కొత్తగా ఉంది ఈ రోజు
ఎక్కడ చూసినా సరికొత్త పలకరింపిలే
నన్ను ఎప్పుడూ నిద్రపోనివ్వకుండా తన రాకను నాకు తెలిపే సూర్యుడు
ఈ రోజు మరికాస్త నిద్రపొమ్మని చిరుమందహాసంతో సెలవుతీసుకున్నాడు
సమయం కాకపోయినా తన మధుర వాణితో కోయిల వినిపించింది సుప్రభాతం
బయట అడుగు పెట్టగానే చిరుజల్లులతో ననుతడిపేసింది ఆ మేఘం
చల్లని చిరుగాలి నా మేనిని తాకి నా ముఖాన చిరునవ్వు తెచ్చింది
మూగగా తనపనిలో ఉన్న చెట్లు నన్ను చూడగానే ఆకులను ఇదిలించి పలకరించిందీ
సరి కొత్తగా..................................................